ПРИЛОЖЕНИЯ

 

1. Молитвы во время болезни

(для не знающих никаких молитв)

 

Молитва на принятие просфоры и святой воды

Господи Боже мой, да будет дар Твой святый: просфора и святая Твоя вода во оставление грехов моих, в просвещение ума моего, во укрепление душевных и телесных сил моих, во здравие души и тела моего, в покорение страстей и немощей моих по безпредельному милосердию Твоему, молитвами Пречистыя Твоея Матери и всех святых. Твоих. Аминь.

 

Молитва Господня

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

 

Песнь Пресвятой Богородице

Богородице Дево, радуйся, Благодатная Марие, Господь с Тобою; благословенна Ты в женах и благословен плод чрева Твоего, яко Спаса родила еси душ наших.

 

Символ веры

¹ Верую во единаго Бога Отца, Вседержителя, Творца небу и земли, видимым же всем и невидимым. ²И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век; Света от Света, Бога истинна от Бога истинна, рожденна, несотворенна, единосущна Отцу, Имже вся быша. ³Нас ради человек и нашего ради спасения сшедшаго с небес и воплотившагося от Духа Свята и Марии Девы, и вочеловечшася. ⁴Распятаго же за ны при Понтийстем Пилате, и страдавша, и погребенна. ⁵И воскресшаго в третий день по Писанием. ⁶И возшедшаго на небеса, и седяща одесную Отца. ⁷ И паки грядущаго со славою судити живым и мертвым, Егоже Царствию не будет конца. ⁸ И в Духа Святаго, Господа, Животворящаго, Иже от Отца исходящаго, Иже со Отцем и Сыном спокланяема и сславима, глаголавшаго пророки.⁹ Во едину Святую Соборную и Апостольскую Церковь. ¹⁰ Исповедую едино крещение во оставление грехов. ¹¹Чаю воскресения мертвых, ¹² и жизни будущаго века. Аминь.

 

Святому великомученику и целителю Пантелеимону

 

Молитва первая

О великий Христов угодниче и преславный целебниче, великомучениче Пантелеимоне! Душею на небеси Престолу Божию предстояй и триипостасныя Его славы наслаждаяйся, телом же и ликом святым на земли в божественных храмех почиваяй и данною ти свыше благодатию различная чудеса источали, призри милостивным твоим оком на предстоящия люди, честней твоей иконе умильно молящияся и просящия от тебе целебныя помощи и заступления: простри ко Господу Богу нашему теплыя твоя молитвы, и испроси душам нашим оставление согрешений. Се бо мы, за беззакония наша не смеюще возвести очеса наша к высоте небесней, ниже вознести глас молебный к Его в Божестве неприступней славе, сердцем сокрушенным и духом смиренным тебе, ходатая милостива ко Владыце и молитвенника за ны, грешныя, призываем, яко ты приял еси благодать от Него недуги отгоняти и страсти исцеляти. Тебе убо просим: не презри нас, недостойных, молящихся тебе и твоея помощи требующих. Буди нам в печалех утешитель, в недузех лютых страждущим врач, напаствуемым скорый покровитель, очесём недугующим прозрения датель, ссущим* и младенцем в скорбех готовейший предстатель и исцелитель: исходатайствуй всем вся, яже ко спасению полезная, яко да твоими ко Господу Богу молитвами получивше благодать и милость, прославим всех благих Источника и Дароподателя Бога, Единаго в Троице Святей славимаго, Отца и Сына и Святаго Духа, ныне и присно и во веки веков. Аминь.

 

* Грудным детям

 

Молитва вторая

О великий угодниче Христов, страстотерпче и врачу многомилостивый Пантелеимоне! Умилосердися надо мною грешным рабом, услыши стенание и вопль мой, умилостиви Небеснаго, Верховнаго Врача душ и телес наших, Христа Бога нашего, да дарует ми исцеление от недуга, мя гнетущаго. Приими недостойное моление грешнейшаго паче всех человек, посети мя благодатным посещением, не возгнушайся греховных язв моих, помажи тыя елеем милости твоея и исцели мя; да здрав сый душею и телом, остаток дней моих, благодатию Божиею, возмогу провести в покаянии и угождении Богу и сподоблюся восприяти благий конец жития моего. Ей, угодниче Божий! Умоли Христа Бога, да предстательством твоим дарует здравие телу моему и спасение души моей. Аминь.

 

Благочестивые раздумья и воздыхания во время болезни

 

Господь дал здоровье, Господь забрал здоровье. Буди имя Господне благословенно отныне и до века.

Господи, Ты видишь мою болезнь. Ты знаешь, как я грешен и немощен (грешна и немощна), помоги мне терпеть и благодарить Твою благость.

Господи, сотвори, чтобы болезнь эта была во очищение многих моих грехов.

Владыко Господи, я в руках Твоих, помилуй меня по воле Твоей, и, если мне полезно, исцели меня вскоре. Достойно по делам моим приемлю. Помяни мя, Господи, во Царствии Твоем!

Слава Богу за все!

 

(Далее…)